یه‌كێتییا ئه‌ورۆپایێ لیستا نوو یا رێخستنێن ته‌رۆرێ راگه‌هاند و ناڤێ «په‌كه‌كێ» و رێخستنێن گرێدایی وێ د وێ لیستێ ده جهـ گرتینه.
یه‌كێتییا ئه‌ورۆپایێ، لیستا سالا 2022ێ یا رێخستن و كۆمێن ته‌رۆرێ راگه‌هاند، ل گۆری وێ پارتییا كاركه‌رێن كوردستانێ په‌كه‌كه و هنده‌ك رێخستنێن گرێدایی ڤێ پارتیێ، د لیستا یه‌كێتییا ئه‌ورۆپایێ دا جهـ گرتینه.
ژ بلی ناڤێ رێخستنا په‌كه‌كێ، هه‌ر یێك ژ «كۆنگره‌یا گه‌ل» و «كۆنگره‌یا ئازادی و ده‌مۆكراسییا كوردستانێ، كاده‌ك» ژ هێلا یه‌كێتییا ئه‌ورۆپایێ ڤه كه‌تینه د لیستا ته‌رۆرێ دا.
هێژای گۆتنێ یه، یه‌كێتییا ئه‌ورۆپایێ ئه‌ڤ ده‌ما چه‌ندین سالانه په‌كه‌كێ وه‌كه رێخستنه‌كا ته‌رۆرێ ناس دكه‌ت.
رێخستنا په‌كه‌كێ ل سالا 1979ێ هاتییه ئاڤا كرن، وه‌كه پارتییه‌كه چه‌پ یا رادیكال ژ هێلا عه‌بدوللا ئۆجالان ڤه، ل 15 ته‌باخا سالا 1984ێ شه‌رێ چه‌كداری ل دژی تركیێ ده‌ست پێ كرییه و هه‌تا رۆژا مه یا ئیرۆ یێك مه‌ترا خاكا كوردستانێ، ژ زۆرا داگیركه‌ران رزگار نه‌كرییه.
په‌كه‌كه نها و پاش وێرانكرنا باكورێ كوردستانێ، هاتییه د باشوورێ وه‌لات دا رازایه و بانگا «براتییا گه‌لان» و سه‌رده‌ستكرنا رۆژهلاتا ناڤین دكه‌ت و ل ژێر ڤان سلۆگانێن ساخته رۆژانه زارۆك و جوانێن كوردان فه‌دا دكه‌ت.
