شێورمەندێ ئاساییشا نشتیمانییا ئیراقێ، هەبوونا چەکدارێن په‌كه‌كێ ل ئیراقێ ب نەیاسایی ب ناڤ کر و راگه‌هاند، دڤێت ژ هەموو ناڤچەیان دەرکەڤن.
شێورمەندێ ئاساییشا نشتیمانی یا ئیراقێ قاسم ئه‌عره‌جی د هەڤدیتنەکێ ل گەل ئاژانسا فەرمی یا ئیراقێ راگه‌هاند، هەبوونا چەکدارێن په‌كه‌كێ ل ئیراقێ نە یاسایی یە و دڤێت ژ شه‌نگالێ و ناڤچەیێن دی دەرکەڤن.
دەربارێ گەفێن میلیشیایان گۆت: «چەند گرووپێن کرێگرتی ب به‌هانەیا رووبرووبوونا هێزێن بیانی، هێرشی سەر شاندێن دیپلۆماسی دکه‌ن، ئەڤ یەک ناهێته قەبوول کرن».
هەر د ڤێ دەربارێ دا ژی گۆت: «چ هێزەکا بیانی ل ئیراقێ نینه، تەنێ شێورمەندێن لەشکەری ل سەر داخوازا حکوومەتا ئیراقێ ماینە».
دەستنیشان کر ژی، رێکەفتنێن ئیراقێ یێن د وارێ ئاساییش، ئابووری، تەندروستی و پەروەردەیێ دا د گه‌ل ئه‌مەریکایێ هەنە و دڤێت ئیراق سوودێ ژ ڤان رێکكەفتنان ببینیت.
ئه‌عره‌جی د بابەتەکێ دی دا گۆت: هێزێن سووریەیا دەمۆکراتیک ژ بۆ کۆنترۆلکرنا گرتیگەهێن تەرۆریستان ل سووریێ، نە شارەزایە».
گۆت ژی: «تەرۆریستێن ژ 50 – 70 وەلاتان د زیندانا حەسەکێ دا هەنە، ئیراق داخوازێ ژ وان وەلاتان دکەت کو وان تەرۆریستان وەربگرن و بده‌نه دادگەهان، لێ ئەو وەلات بەرسڤا ڤێ داخوازێ ناده‌ن».
