بەرپرسەکێ پلەبلند یێ کوردستانێ دبێژیت، بەلگە د دەستێ وان دا ھەنە کو پەکەکە و داعش ل شنگالێ پێکڤە کار دکەن!
نوونەرێ ھەرێما کوردستانێ د فەرماندەھیا ھەڤبەشیا ئارتێشا ئیراقێ دا، جەنەرال عەبدولخالق تەلعەت راگهاند، ھەبوونا پەکەکێ ل شنگالێ گەفەک مەزنە ل سەر وێ دەڤەرێ. ھەتا پەکەکە ل ور بیت رەوشا وێ دەڤەرێ قەت باش نابیت و ئاوارەیێن ئێزیدی ژی نکارن ڤەگەرن سەر جھ و وارێ خوە.
جەنەرال عەبدولخالق تەلعەت ھەر وەھا گۆت، بەلگە د دەستێ مە دا ھەنە کو نیشان ددەن پەکەکە و داعش ل شنگالێ پێکڤە کار دکەن. ژ خوە چەکدارێن پەکەکێ رێ ددەن چەکدارێن داعشێ ژ سووریێ دەرباسی ئیراقێ ببن.
نوونەرێ کوردستانێ د فەرماندەھیا ھەڤبەش یا ئارتێشا ئیراقێ دا بانگ ل حکوومەتا ئیراقێ کر، پەکەکە و تەڤاھیا ھێزێن نە قانوونی ژ شنگالێ دەرخینیت ژ بەر کو ھەتا ئەو ل ور بن، رەوشا وێ دەڤەرێ دێ ھەر ئالۆز مینیت.
