بالافرێن شه‌ر یێن ده‌وله‌تا تركیێ ئیرۆ ژی لڤ و ته‌ڤگه‌را چه‌كدارێن په‌كه‌كێ ل باشوورێ كوردستانێ، بۆمبه‌باران كرن و 5 چه‌كدار ل هه‌رێمێن زاپێ و ئاڤاشین ئارمانج گرتن.
ل گۆری ئاگاهیێن كو وه‌زاره‌تا پاراستنا نه‌ته‌وی یا تركیێ ئیرۆ رۆژا چارشه‌مبی 9\2\2022ێ به‌لاڤ كرنه، د ئێریشا ئاسیمانی دا، بالافرێن شه‌ر پێگه‌هێن په‌كه‌كێ ل هه‌رێمێن ئاڤاشین و زاپێ یێن باشوورێ كوردستانێ كرنه ئارمانج.
ده‌ست نیشان كر، د ئێریشێ دا، 5 چه‌كدارێن په‌كه‌كێ هاتنه ئارمانج گرتن و ژیانا خوه ژ ده‌ست دانه.
رێخستنا په‌كه‌كێ ل ده‌ربارێ ئێریشێ و زیانێن خوه چ ئاگاهی نه‌دانه.
