هێزێن سووریه‌یا ده‌مۆكراتیك هه‌سه‌دێ، ئیرۆ د ئۆپه‌راسیۆنه‌كا ب سه‌رداگرتنا ماله‌كێ دا ل دێرازوورێ كو ژ بۆ ده‌سته‌سه‌ر كرنا توهمه‌تباره‌كی ئه‌نجام دابوو، زارۆكه‌ك كوشتن.
ل گۆری روانگه‌ها سووری یا مافێن مرۆڤان، ئیرۆ رۆژا چارشه‌مبی 9\2\2022ێ، هێزێن هه‌سه‌دێ ب سه‌ر ماله‌كێ دا ل باژارۆكێ به‌سیره یێ گونده‌وارێ رۆژهلاتا دێرازوورێ گرتن، ئۆپه‌راسیۆن ژ بۆی ده‌سته‌سه‌ر كرنا توهمه‌تباره‌كی بوو كو كارێ قاچاغچێتیێ ل نێڤبه‌را هه‌رێمێن هه‌سه‌دێ و ره‌ژێما سووریێ دا دكر.
ده‌ست نیشان كر، د ئه‌نجاما ڤێ ئۆپه‌راسیۆنا هه‌سه‌دێ دا، په‌ڤچوون ل گه‌ل توهمه‌تبارێ چێبوویه و زارۆكه‌ك كو برایێ توهمه‌تباری یه، ب گوللـه‌یێن چه‌كدارێن هه‌سه‌دێ هاتییه كوشتن.
روانگه‌ها سووری ئه‌شكه‌ره كر، هێزه‌كا هه‌ڤپه‌یمانییا ناڤده‌وله‌تی، پشتگرییا ئاسیمانی ژ بۆی ڤێ ئۆپه‌راسیۆنا هه‌سه‌دێ دابین دكر.
