ل پارێزگەها ئەدەنێ د ئۆپەراسیۆنەکێ دا 14 کەس ب تۆمەتا «پرۆپاگاندایا رێخستنێ» هاتن دەستەسەر کرن.
ئیرۆ رۆژا دوشه‌مبی 14\2\2022ێ، ل ئەدەنێ تیمێن رێڤەبەرییا شاخا دژی تەرۆرێ یا رێڤەبەرییا ئەمنی ژ بۆ گرتنا 17 کەسێن کو سەردۆزگەرییا کۆماری یا ئەدەنێ دەربارێ وان دا بریارا ده‌رخستبوو، ئۆپەراسیۆنەک كرن و ب سەر گەلەک مالان دا گرتن.
ل گۆر زانیارییان، د ئەنجاما وان سەرداگرتنان دا ب تۆمەتا «پرۆپاگاندایا رێخستنێ» 14 کەس هاتن گرتن.
کەسێن هاتنە دەستەسەرکرن بۆ رێڤەبەرییا ئەمنی یا باژێر هاتنە برن و هه‌ولێن گرتنا 3 کەسێن دی ژی بەردەوامن.
ل ترکیێ و باکورێ کوردستانێ بەردەوام ب سووچا «ئەندامه‌تی و پرۆپاگاندایا په‌كه‌كێ» وەلاتی دهێنه دەستەسەر کرن و جەزا کرن.
