ب سەدان سه‌ربازێن ئه‌مه‌ریكی رۆژا چارشەمبێ گه‌هشتن فرۆکەخانەیا زیسزوو یا پۆله‌ندایێ، وه‌كه هه‌نگاڤه‌ك ژ بۆی بهێزکرنا ئالیێ ئه‌نییا رۆژهه‌لات یا ناتۆیێ و به‌رسنگ گرتنا هێزێن رووسیایێ.
ل گۆری ئاژانسا فرانس پریس، لەشکەرێن ئه‌مه‌ریكی ل فرۆکخانەیا کو 100 کیلۆمەتران ژ سنۆرێ ئوکراینا دوورە ژ دو فرۆکەیێن ڤەگوهاستنا لەشکەران یێن بۆیینگ G-17 داكه‌تن و ترومبێلێن له‌شكه‌ری سوار بوون.
هەروه‌ها ترومبێلێن زریپۆش، کامیۆنێن لەشکەری، کۆنتەینه‌ر و ب دەهان لەشکەرێن دی ژی ل که‌مپەکا کو ل فرۆکخانەیێ هاتییە ئاڤاکرن، هاتن دیتن.
ئەڤ د دەمەکی دا یە، لەشکەرێن فرقەیا 82 کو ناڤەندا وێ ل کارۆلینا یا باکورە، ژ 5ێ سباتێ ڤە ل فرۆکخانەیا ل نێزیكی گوندێ ژاچونکا یێ پۆلاندا هاتنە بجهکرن.
ئه‌مه‌ریكا نیازا خوە راگه‌هاند كو ئه‌و دێ ب گشتی 4700 لەشکەرێن زێده ب ئاوایەکی دەمکی ل پۆلاندا كو ئەنداما یەکیتییا ئەورۆپا و ناتۆیێ یه، ب جهـ كه‌ت، وەک بەرسڤەکێ ل هەمبەر کۆمبوونا هێزێن رووسیایێ ل دۆرا ئوکراینا.
ب بەلاڤبوونا 4700 لەشکەران، دێ هەژمارا هێزێن ئه‌مه‌ریكی ل پۆلاندایێ گه‌هیته 10 هەزار لەشکەران.
