بایدن: مەترسیا داگیرکرنا ئوکراینایێ گەلەک جدییە

بایدن: مەترسیا داگیرکرنا ئوکراینایێ گەلەک جدییە

سەرۆکێ ئامەریکایێ جۆ بایدن دیار کر؛ مەترسیا داگیرکرنا ئوکراینایێ ژ ئالیێ رووسیایێ ڤە “گەلەک جدییە”.

جۆ بەیدن ئیرۆ پێنجشەمبێ 17ێ شوباتا 2022یێ راگھاند؛ مەترسیا لەشکەرکێشیا رووسیایێ بۆ ئوکراینایێ گەلەک جدییە.

بایدن دەستنیشان کر؛ دبیت کو ئێریشا رووسیایێ د چەند رۆژێن بهێت دا رووبدەت.

سەرۆکێ ئامەریکایێ ئاماژە ب وێ یەکێ کر؛ وی نیەت نینە کو پەیوەندیێ ب ھەڤتایێ خوەیێ رووسی ڤلادمیر پوتین بکەت.

د بەشەکا دن یا ئاخافتنا خوە دا جۆ بایدن راگھاند؛ ھەموو ئاماژەیێن ل بەر دەستێ مە، بەلگە نە کو رووسیا ئامادەیە بچیتە ناڤا ئاخا ئوکراینایێ.

بەریا نھا بایدن چەند جاران ھشیاری دابوو ل سەر مەترسیا داگیرکرنا ئوکراینایێ ژ ئالیێ رووسیایێ ڤە.

ل ھەمبەر وی، سەرۆکێ رووسیایێ ڤلادمر پوتین دیار دکەت کو وان نیەت نینە ئیریشێ بکەنە سەر ئوکراینایێ.

پوستێن ھەمان بەش