سه‌رۆككۆمارێ ئیرانێ هه‌ژماره‌كا بریاران ژ بۆ پێشی گرتنا ل قاچاغچێتیێ ده‌رخستن، یێك ژێ گرێدای كارێ كۆلبه‌ریێ یه.
ل گۆری ئاژانسا ئێرنا یا ئیرانێ، ئیبراهیم ره‌ئیسی وه‌زاره‌تا ناڤخوه راسپاردییه ژ بۆ كو كارێن بازرگانیێ یێن ل سینۆران تێن ئه‌نجام دان وه‌ره‌ن رێخستن و یێك ژێ كارێ كۆلبه‌ریێ یه.
سه‌رۆكێ ئیرانێ هه‌روه‌ها وه‌زاره‌تا ناڤخوه راسپارد، د ده‌ما مه‌هه‌كێ دا ڤی كاری ئه‌نجام بده‌ت.
وه‌لاتیێن رۆژهه‌لاتا كوردستانێ چه‌ندین سالن كه‌لوپه‌لان ژ باشوورێ كوردستانێ ب رێكێن چیایێ یێن پڕ زه‌حمه‌ت ده‌رباسی رۆژهلاتا وه‌لات دكه‌ن، كه‌سێن كو ڤی كاری ئه‌نجام دده‌ن ب كۆلبه‌ر تێن ناس كرن و ئه‌و رۆژانه ژ هێلا سپایێ پاسدارێن ئیرانێ ڤه، تێن هه‌ده‌ف كرن.
ل گۆری رێخستنا هه‌نگاو یا مافێن مرۆڤان یا رۆژهلاتا كوردستانێ، سالانه ب ده‌هان كۆلبه‌ر ژ هێلا چه‌كدارێن ئیرانێ ڤه تێن كوشتن و بریندار كرن.
ئامارێن نه‌فه‌رمی نیشان دده‌ن كو نێزی 70 هه‌زار كه‌سان پرانی ژێ یێن رۆژهلاتا كوردستانێ نه، كارێ كۆلبه‌ریێ ل نێڤبه‌را باشوور و رۆژهه‌لات دكه‌ن.
