وەزارەتا دادێ یا ترکیێ ب مەبەستا رادەستکرنا مافیاگەر «سەدات پەکەر» کو وەکی سەرۆکێ «رێخستنا تاوانێن ئۆرگانیزە» تێ سووچدارکرن، ژ ئیماراتێ داخوازا دەستەسەرکرنا وی کر.
رێخستنا پۆلیسێن کریمینالا ناڤنەتەوەیی (ئنتەرپۆل) ژ بۆ سەدات پەکەرێ کو ل ترکیێ وەک “سەرۆکێ رێخستنا تاوانێن ئۆرگانیزە” تێ سووچدارکرن، ل 194 وەلاتان بریارا «بولتەنا سۆر» یا لێگەرین و دەستەسەرکرنێ دەرخست.
بولتەنا سۆر یا کو د 1ێ سباتا 2022ێ دا هاتە دەرخستن، ژ سەردۆزگەریا کۆمارێ یا ستانبۆلێ و سەردۆزگەریا کۆمارێ یا بورسایێ را هات شاندن.
وەزارەتا دادێ یا ترکیێ ژی ب مەبەستا رادەستکرنا سەدات پەکەر بۆ وی وەلاتی، داخوازا دەستەسەرکرنا پەکەر ژ ئیماراتێ کر.
سه‌دات په‌كه‌ر مه‌زنه مافیاگه‌رێ ترك، پاش كو ژ تركیێ ره‌ڤیایی، ل ئیماراتێ نیشته‌جێ بوویه و ل ور مه‌له‌فێن حه‌ساس ل سه‌ر به‌رپرسێن پایه‌بلندێن تركیێ ئه‌شكه‌ره كرن و وه‌كه ڤیدیۆ ل سۆسیال مه‌دیایێ به‌لاڤ كرن.
