ئێریشه‌كا ئیسرایلێ 3 لەشکەرێن سووری ل دەردۆرا شامێ کوشتن

israil-syria-army-bomb-atack

ئاژانسا فەرمی یا سووریێ «سانا»یێ راگه‌هاند، د ئەنجاما ئێرشا مووشەکی یا ئیسرائیلێ دا ل سەر ناڤچەیێن دەردۆرا شامێ، 3 لەشکەر هاتنە کوشتن.

ژێدەرەکێ لەشکەری ژ «سانا» را راگهاند، ئیرۆ دەمژمێر 01:10 ئیسرائیلێ ژ ئالیێ باکورێ گۆلا تەبەریایێ ڤە، ب مووشەکان ئێریشی هنه‌ك خالێن ل دەردۆرا باژارێ شامێ کر.

وی ژێدەری ئاماژە ب وێ دا، سیستەما بەرەڤانیا ئەسمانی یا سووریێ رووبروویی مووشەکان بوونە و پرانیا وان خستنە خوارێ.

دیار کر ژی، د ئەنجاما ئێرشێ دا 3 لەشکەر هاتن کوشتن و هنه‌ك زیانێن مادی چێبوونه‌.

دوهی ژی ئارتێشا ئیسرائێلێ ب چەند مووشەکێن زەمین – زەمین ژ جۆلانێ ڤە، ئێریشەک پێک ئانی و هنه‌ك خال ل دەردۆرا قونەیتەرایێ کرن ئارمانج و د ئەنجامێ دا زیانێن مادی دەرکەتن.

پوستێن ھەمان بەش