وەزارەتا بەرەڤانیێ یا رووسیایێ راگه‌هاند، ئەو دێ ب چەکێن گران ژێرخانەیا لەشکەری، بیناسازییا بەرەڤانییا ئاسمانی، فرۆکخانەیێن لەشکەری و فرۆکەیێن ئارتێشا ئوکراینایێ پووچ كه‌ن.
وەزارەتا بەرەڤانیێ یا رووسیایێ دەستنیشان کر، هێزێن چەکدارێن رووسیایێ چ ئێریشێن مووشەکی، ئاسمانی و تۆپخانەیێ ل سەر باژارێن ئوکراینایێ ناکه‌ن.
وەزارەتێ گۆت: «ژێرخانەیا لەشکەری، بیناسازییا بەرەڤانییا ئاسمانی، فرۆکەخانەیێن لەشکەری و فرۆکەیێن هێزێن چەکدارێن ئوکراینایێ، ب چەکێن گران هێنه ئاستەنگکرن».
هەروها تەکەز کر ژی، چ گەف ل سەر ل گەلێ سڤیل نینە.
ئه‌ڤ یێك ل ده‌مه‌كی یه، سەرۆکێ رووسیایێ ڤلادیمێر پوتین ئیرۆ دانێ سپێدێ د گۆتارەکێ دا ژ گەلێ رووسیایێ را راگه‌هاندبوو، وی بریارا ئۆپەراسیۆنەکا لەشکەری یا تایبەت ل دۆنباسێ دایە.
پوتین دیار کربوو، د پلانێن رووسیایێ دا داگیرکرنا ئوکراینایێ نینە، لێ مۆسکۆ دێ هەول ژ بۆ بێچەککرنا وێ ده‌ت.
پوتین گۆت ژی: هەولدانێن رووسیایێ ژ بۆ رێکكەفتنا ل سەر بەرفرەهنەکرنا ناتۆیێ تێک چوون و رەوشا بەرفرەهکرنا وێ هەڤپەیمانیێ، خەتەرتر بوویە و ئێدی ئەم نکارین بێدەنگ بمینن.
