بالیۆزێ ئۆكراینا ل ئه‌نقه‌ره‌یێ، داخواز ژ تركیێ كر، هه‌ردو ته‌نگئاڤێن بۆسفۆر و داردانیل ل همبه‌ری كه‌شتیێن جه‌نگی یێن رووسیا دا بگریت.
بالیۆزێ ئۆكراینا یێ ل تركیێ ئیرۆ و پاش ده‌ستپێكرنا هێرشا رووسیا یا ل سه‌ر ئۆكراینایێ، داخواز ژ ئه‌نقه‌ره‌یێ كر، هه‌ردو ته‌نگئاڤێن بۆسفۆر و داردانیل ل همبه‌ری كه‌شتیێن جه‌نگی یێن رووسیا دا بگریت و هه‌روه‌ها خواست تركیه سزایان ل سه‌ر رووسیا بسه‌پینیت.
ڤیسیل بۆدنار باڵیۆزی ئۆکرانیا گۆتییه: ل گۆری په‌یمانا 1936ێ تركیێ ماف هه‌یه د ده‌ما جه‌نگێ دا، هه‌موو لڤینێن ده‌ریایی و یێن خه‌ته‌ر ل ته‌نگئاڤێن بۆسفۆر و داردانیل بگریت.
ئیرۆ رۆژا پێنجشه‌مبێ هێریشا رووسیا یا ل سه‌ر ئۆكراینایێ ده‌ست پێ كرییه، ئارتێشا رووسیا كه‌تییه ناڤ خاكا ئۆكراینا و سه‌رۆكێ ئۆكراینایێ ژی گۆتییه كو ئه‌و دێ به‌رگیێ ژ خاك و نشتیمانێ خوه بكن.
