زیانێن جانی یێن ل کیەڤێ ھاتن راگھاندن

وەزارەتا تەندروستیێ یا ئوکراینایێ زیانێن جانی یێن ئێریش و بۆمبەبارانا رووسیا ل سەر کیەڤا پایتەخت راگھاند کو د ناڤا کوشتیان دا زارۆک ژی ھەنە.

وەزارەتا تەندروستیێ یا ئوکراینایێ ئیرۆ 26/2/2022 راگھاند، ژ بەر بۆمبەبارانا ئارتێشا رووسیا ل سەر کیەڤێ، 198 کەس ھاتنە کوشتن کو د ناڤا وان دا 3 زارۆک ھەنە.

ھێزێن رووسی ژ چەند ئالیان ڤە ئێرشی کیەڤێ دکەن، د ھەمان دەمێ دا ئارتێشا ئوکراینایێ راگھاند، وان ئێرشا رووسیایێ ل سەر کۆلانەکا سەرەکی یا کیەڤێ تێک بریە.

ل گۆر زانیاریێن مەدیایی؛ شەر ل ناڤا کۆلانێن کیەڤێ دەست پێ کریە، ل گەلەک دەڤەرێن پایتەخت دەنگێ تەقینان تێ بھیستن.

ھەروھا ل گۆرا زانیاریان: «ژ رۆژئاڤا ھەتا رۆژھلاتێ باژارێ کیەڤێ، شەر و بۆمبەباران ھەیە، ل ھندەک دەڤەران ژی شەر و پەڤچوونێن گران روو ددەن.»