هێرشێن رووسیایێ یێن ل دژی ئوکراینایێ د رۆژا خوە یا 4ێ دا یە و پەڤچوون ل سەرانسەرێ وهلات بەردەوام دکهن. ل گۆر زانیاریێن ژ رایەدارێن ئوکراینی، ئیرۆ پەڤچوون ب گرانی ل دەردۆرا پایتەخت كیێڤێ نه و دهنگۆیێ كهتنا دویەم باژارێ مەزنێ ئوکراینایێ باژارێ خارکیڤێ ههیه.
ژ شەڤا بۆری ڤە ل كیێڤێ تۆپباران و پەڤچوونێن توند هەنە. بالیۆزخانەیا ئوکراینایێ یا ل ئەنقەرەیێ نۆتا “كیێڤ د بن بۆمبهبارانێ دا یە” بهلاڤ کر.
هات راگهاندن کو رووسیایێ شەڤێ دن ل باژارۆکێ ڤاسلکڤا ل نێزیكی كیێڤێ ئومبارهكا سۆتەمەنیێ بۆمبەباران کرییە.
شارەدارا ڤاسلکڤ، ناتالیا بالاسنۆڤج د داخویانیا خوە یا ڤیدیۆیی دا ل سەر هەسابا خوە یا تویتهرێ راگهاندییە کو لەشکەرێن رووسیایێ ل نێزیكی ڤاسلکڤ تانکەرێن سۆتەمەنیێ تەقاندنە.
د گەلەک هەسابێن مەدیایا جڤاکی دا دیمەنێن جهێ بۆمبەبارانکری هاتنە بەلاڤ کرن.
باژارێ ڤاسلکڤ 35 کیلۆمەترەیان دووری ناڤەندا باژارێ كیێڤێ یه.