ل وانێ قەدەغەیا تەڤ چالاکیان ھات درێژکرن

 ل پارێزگەھا وانێ یا باکورێ کوردستانێ، قەدەغەیا مەش، خوەپێشاندان، جڤینێن چاپەمەنیێ، گرەڤ، ڤەدانا کۆن و چالاکیێن روونشتنێ بۆ دەما 15 رۆژان ھات درێژکرن.

ل گۆر داخویانیا کو ژ ئالیێ والیتیا وانێ ڤە ھاتیە بەلاڤکرن، ژ 28ێ شوباتا 2022یێ ھەتا 14ێ ئادارا ھەمان سالێ، بۆ دەما 15 رۆژان ھەموو چالاکیێن وەک خوەپێشاندان، مەش، گرەڤ، ڤەدانا چادر و ستاندان و چالاکیێن وەھا ل وێ پارێزگەھێ قەدەغە نە.

د داخویانیێ دا هاتیە گۆتن کو ب ئارمانجا یەکپارچەییا دەولەت و نەتەوەیێ، بنپێنەکرنا ماف و ئازادیێن کەسێن دن، ئاساییشا خەلکێ و ئانینا ئارامیێ، رێگرتن ل تاوان، پاراستنا ماف و ئازادیێن خەلکێ بریارا قەدەغەکرنا خوەپێشاندان و چالاکیان ھاتیە دایین.

ل گۆر داخویانیێ، بریارا قەدەغەکرنێ وان چالاکیێن فەرمی ل خوە ناگریت کو ژ ئالیێ پارێزگار و قایمەقامان ڤە دەستوور بۆ وان تێ دایین.