کۆشکا سپی ل سەر گەفێن رووسیایێ یێن ژ بۆ ئامادەبوونا چەکا ئاتۆمی، بەرسڤا پوتین دا و راگھاند: “ئەڤ بریارە بەهانەیا شەری یە.”
بەردەڤکا کۆشکا سپی جین ساکی ژ بۆ کانالێ تەلەڤیزیۆنی یێ ABC یێ ئامەریکی راگھاند؛ بریارا پوتین ژ بۆ ئامادەکرنا چەکێ ئەتۆمی بەهانەیا شەری یە و پوتین ژ بۆ بەهاانەیا شەری گەفێن سەختە دروست دکەت.
جین ساکی ئاشکەرە کر: “مە شاندەک بۆ سینۆرێ بیلاروسیا شاندیە ژ بۆ گوھداریکرنا گۆتنێن رووسیایێ.”
جین ساکی دەستنیشان کر؛ سزادانا سەکتۆرا ئەنەرژیێ یا رووسیایێ ل سەر ماسەیێ یە و گۆت: “ناتۆ گەف ل رووسیایێ نەکرنە.”
ل ئالیێ دن، کانادا و ئیسپانیا ئەسمانێ خوە ل بەر بالافرێن رووسیایێ گرت.
د جڤینەکا چاپەمەنیێ دا سەرۆکا کۆمیسیۆنا ئەورۆپایێ ئورسولا ڤۆندەرلاین ژی راگھاند؛ دێ سینۆرێ ئەسمانی یێ 27 وەلاتان ل بەر رووسیایێ هێنە گرتن.
ئورسولا ڤۆندەرلاین ئاشکەرە کر؛ ھەژمارەک سزایێن گران دێ ب سەر سەرۆکێ بیلاروسیا، ئەلکساندەر لوکاشەنکۆ دا سەپینن و زەختێن وانێن ل سەر رووسیا و بیلاروسیا دێ بەردەوام بن.
سەرۆکا کۆمیسیۆنا ئەورۆپایێ ئورسولا ڤۆندەرلاین د ئاخافتنا خوە دا دیار کر: “ئەم سپاسیا بەرخوەدانا سەرۆکێ ئوکراینایێ ڤۆلۆدمر زەلەنسکی دکەین.”
