کۆمیسەرێ ئەولەکاری و کارووبارێن دەرڤەیێ یەکیتیا ئەورۆپایێ جۆسێپ بۆڕەل راگھاند، یەکیتیا ئەورۆپی ب نیازە د چارچۆڤەیا ئالیکاریێن لەشکەری دا فرۆکەیێن شەری بدەتە ئوکراینایێ.
بۆڕەل پشتی کۆنفەرانسا ڤیدیۆیی یا لگەل وەزیرێن دەرڤەیێن یەکیتیا ئەورۆپایێ دا گۆت: “ئەم دخوازین چەکان، کو د ناڤ دا فرۆکەیێن شەری ژی ھەنە پەیدا بکەین.”
دیار کر ژی، یەکیتیا ئەورۆپا رازی بوویە ئالیکاریان ژ بۆ ئارتێشا ئوکراینایێ بشینیت، د ناڤ دا ژی دابینکرنا چەکان ب 450 میلیۆن یۆرۆ و ئالاڤێن لەشکەری ب 50 میلیۆنی ھەنە.
بۆڕەل دەستنیشان ژی کر، “وەزیرێن دەرڤەیێن یەکیتیا ئەورۆپا رێکەفتن کو ئاژانسا RT و سپوتنک یێن رووسی ل وەلاتێن یەکیتیا ئەورۆپا قەدەغە بکەن.”
ئۆپەراسیۆنا لەشکەری یا رووسیایێ ل ئوکراینایێ کەتیە رۆژا خوەیا پێنجان، د دەمەکێ دا کو تێ چاڤەرێکرن کو دانووستاندن د ناڤبەرا مۆسکۆ و کیەڤ دا دەست پێ بکەن.
