ئارتێشا رووسیا د رۆژا شهشێ یا هێرشا سهر ئوكراینایێ دا، هێزهكا مهزن بهر ب كیێڤێ ڤه خستییه رێ و وهزارهتا بهرهڤانییا رووسیا دبێژه: كیێڤ هاتییه دۆرپێچ كرن.
هێرشا رووسیا ل سەر ئوکرایانیێ ئیرۆ دەرباسی رۆژا خوە یا شەشێ بوو، کو رۆژا 24ێ سباتا 2022ان ب بریارا سەرۆکێ رووسیایێ ڤلادیمێر پوتین دەستپێ کربوو.
هێژان کیێڤا پایتەخت و باژارێن مەزن و ستراتەژیک و هەروهها پرانیا ئاخا وەلات د بن کۆنترۆلا ئارتێش و حکوومەتا ئوکرایانیێ دا یە، ئارتێشا رووسیایێ ژی هندهك باژارێن بچووک و باژارۆک ل باشوور و رۆژهلات و باکورێ ئوکراینایێ کۆنترۆل کرینە.
ئیرۆ ژی وهزارهتا بهرهڤانییا رووسیا راگهاند وان كیێڤ دۆرپێچ كرییه و هێزهكه مهزن كو نها 17 میلان ژ سهنتهرێ باژێر دووره خستییه رێ و گۆت: کۆریدۆرەکا ئهولههیێ ژ بۆی دەرکەتنا خەلکێ سڤیل ژ باژێر هاتییە ڤەکرن.
هێزێن ئارتێشا ئوکرایانیێ و سڤیلێن کو ب ئاوایەکی خوەبەخش چهك ههلگرتنه، بەرەڤانیێ ژ پایتەختا خوە دکهن و هێژان حکوومەتا ئوکراینایێ ل کیێڤێ یە.
