بەردەڤکێ سەرۆککۆمارییا ترکیێ ئیبراهیم کالن راگهاند کو سەرۆککۆمارێ وی وەلاتی رەجەپ تاییپ ئەردۆگان دێ سبە ل گەل سەرۆکێ رووسیایێ ڤلادیمێر پوتین هەڤدیتنەکێ پێک ئینیت.
بەردەڤکێ سەرکۆکۆمارییا ترکیێ ئیبراهیم کالن ئیرۆ 5ێ ئادارا 2022ێ پشتی جڤینا ل گەل جیگرا وەزیرێ دەرڤە یێ ئه‌مەریکایێ بەرسڤا پرسێن رۆژنامەڤانان دا.
کالن د پرسەکێ دا دەربارێ شەرێ ئوکراینایێ گۆت، “دڤێت ئەڤ شەر یەکسەر بێ راوەستاندن، ب تایبەتی دڤێت رووسیا ئێریشێن خوە ب داوی بینیت، چ نیگەرانی و مەرجێن رووسیایێ هەبن دڤێت ل سەر مێزا گۆتووبێژان بێن چارەسەر کرن».
ئیبراهیم کالن ئاماژە ب وێ یەکێ دا کو ترکیە ژ بۆ گۆتووبێژێن ناڤبەرا رووسیا و ئوکراینایێ د ناڤ هەولدانان دا یە و گۆت، «دڤی واری دا سەرۆککۆمار هەولێن زێدە یێن دیپلۆماتیک ددەت»
بەردەڤەکێ سەرۆککۆمارییا ترکیێ دیار کر کو ئەردۆگان دوهـی ل گەل سەرۆکێ ئوکراینایێ ڤۆلۆدیمیر زیلینسکی ئاخڤییە و گۆت، دێ سبە ژی ل گەل سەرۆکێ رووسیایێ ڤلادیمێر پوتین هەڤدیتنەکێ پێک ئینیت.
