واشنگتۆن پۆست: «ئه‌مەریکا ئاماده‌كارییا به‌رخوه‌دانه‌كا ده‌مدرێژ ل دژی رووسیا دكه‌ت»

رۆژنامەیا «واشنگتۆن پۆست» ل سەر زارێ بەرپرسێن رۆژئاڤایی بەلاڤ کر، «واشنگتۆن و هەڤالبەندێن وێ خوە ژ بۆ حکوومەتا ئوکراینا ل سرگوونێ و بەرخوەدانەکا دەمدرێژ ئامادە دکه‌ن».

رۆژنامەیێ گۆت؛ «جڤینەک ژ بۆ نیقاشکرنا پلانێن بەرفرەهێن ژ بۆ ئامادەکرنا بەرخوەدانەکا دەمدرێژا ل ئوکراینایێ هاتە کرن». د هەڤدیتنێ دا، «رایەدارێن رۆژئاڤایی دودل بوون ژ بەر کو ئۆپەراسیۆنا لەشکەری یا رووسیایێ ل ئوکراینایێ، سەرکەفتنا رووسیایێ نیشان ددە».

ل گۆری وان بەرپرسان، «گاڤا یەکەم ژ بۆ هەڤالبەندێن ئوکراینایێ ئەوە کو “هاریکارییا دامەزراندن و پشتگریکرنا حوکوومەتەک ئوکراینایێ یا ل سرگوونێ بکه‌ن و ئەو پشتەڤانییا شەرێ گەریڵا ل دژی هێزێن رووسی بکه‌ن».

ل گۆری رۆژنامەیێ، بەرپرسێن ئه‌مەریکی باوەر دکه‌ن کو «چەکێن کو واشنگتۆن بۆ ئارتێشا ئوکراینایێ دابین دكه‌ت، دێ ژ بۆ سەرکەفتنا سەرهلدانا ئوکراینییان ل دژی رووسیایێ د گرنگ بن».

دەستنیشان کرن ژی «ئەگەر ئه‌مەریکا و هەڤالبەندێن وێ پشتگریێ بده‌نه‌ سەرهلدانەکێ ل دژی رووسیایێ، سەرۆکێ ئوکراینایێ ڤۆلۆدیمێر زیلینسکی دێ بیته‌ هێزا وێ یا ناڤەندی، ژ بەر کو ئەو ئوکراینییان هاندده‌ت دا کو ل هەمبەری دژبەرێ خوە یێ رووس بسەکنن».

پوستێن ھەمان بەش