ژ بەر هێرشا رووسیایێ یا ل سەر ئوکراینایێ و رووبرووبوونا هەر مەترسیەکێ ل سەر ئەندامێن ناتۆیێ، ئه‌مه‌ریكا دێ دو سیسته‌مێن «پاتریۆت» یێن به‌رگرییا ئاسمانی ل پۆلاندایێ دانیت.
فەرماندارییا لەشکەری یا ئه‌مه‌ریكی ل ئەورۆپایێ (EUCOM) دوهی سێشەمبێ راگهاند، ئه‌مه‌ریكا دێ دو سیسته‌مێن پاتریۆت ل پۆلاندایێ دانیت، دا کو رووبروویی هەر گەفەکێ پۆتانسیەل ل سەر وەلاتێن ناتۆیێ ببیت.
بەردەڤکێ EUCOM ئادام میلەر د داخویانیەکێ دا دا زانین، دانانا دو سیسته‌مێن پاتریۆت ل پۆلاندایێ، ب فەرمانا وەزیرێ بەرەڤانیێ یێ ئه‌مه‌ریكی لۆید ئۆستن و ل سەر داخوازا پۆلاندایێ هاتییه.
دیار کر ژی، ئەڤ تەدبیر چ ئاوایی رێ ناده‌ته چ ئۆپەراسیۆنێن هێرشكاری و گۆت: «هەر پێنگاڤا کو ئەم دهاڤێژن ژ بۆ پێشیگرتنا ل هێرشان و پشتراستکرنا هەڤالبەندێن مەیە».
مووشەکێن پاتریۆت، سیستەمەکێ مووشەکێن پاراستنا ئاسامانی نە کو ژ بۆ رووبرووبوونا مووشەکێن بالیستیکێن کورتهاڤێژ، فرۆکە و مووشەکێن كرۆز هاتنە چێکرن.
