سه‌رۆكێ ئیسرائیلێ ئیرۆ دێ سه‌ره‌دانا تركیێ كه‌ت و ل گه‌ل سه‌رۆككۆمارێ تركیێ كۆمبیت، ب ڤێ سه‌ره‌دانێ قۆناغه‌كا نوو یا په‌یوه‌ندییان ل ناڤبه‌را ئه‌نقه‌رێ و ته‌ل ئه‌ڤیڤێ دێ ده‌ست پێ كه‌ت.
سەرۆکێ ئیسرائیلێ ئیسحاق هیرزۆگ و هەڤژینا وی میشێل هیرزۆگ ل گەل شاندەکی ب سەره‌دانەکا فەرمی ل سەر داخوازا سەرۆککۆمارێ ترکیێ ئیرۆ چارشەمبێ 9ێ ئادارا 2022ێ سەره‌دانا ترکیێ دکه‌ن و ل ئەنقەرێ ل گەل ئەردۆگان دێ كۆمبن. سەره‌دانا ئیسحاق هیرزۆگ دێ دو رۆژان بەردەوام کەت.
ل گۆر داخویانیا کو ژ ئالیێ سەرۆکاتییا پەیوەندییان سەر ب سەرۆککۆمارییا ترکیێ ڤە هاتییە بەلاڤ کرن، ئیسحاق هیرزۆگ د یەکەم رۆژا سەره‌دانا خوە دا دێ ل گه‌ل سەرۆککۆمارێ ترکیێ رەجەپ تاییپ ئەردۆگان كۆمبیت.
پەیوەندیێن ناڤبەرا ئەنقەرە و تەل ئه‌ڤیڤێ دێ هێن گۆتووبێژ کرن، هەروه‌ها مژارێن ناڤدەولەتی ژی دێ د جڤینا ئەردۆگان و هیرزۆگ دا هێنه گۆتووبێژ کرن.
