بهرپرسهكێ پایهبلندێ پهكهكێ ل سهر دۆسیایێن دزی، گهندهلی و ئاژانییا ژ بۆی ئیستخباراتا تركیێ تێ دهستهسهر كرن و ههیا مرنێ تێ ئهشكهنجه دان.
چاڤكانیێن پێگهها داركا مازی ل رۆژئاڤا كوردستانێ ئهشكهره كرن، ههپهگێ باسكێ لهشكهری یێ پهكهكێ بهرپرسهكێ خوه یێ ب ناڤێ «دلیار كۆبانی» كو بهرپرسێ بهشا تهكنیكی یێ ههپهگێ یه، ل رۆژئاڤا ب سووچا دزییا پارهی و ههبوونا پێوهندییا ل گهل سازییا ئیستخباراتا تركیێ میتێ دهستهسهر كرییه.
چاڤكانیێن پێگهها مه دهست نیشان كرنه كو ههوالگیرییا ههپهگێ و ئاساییشا پهیهدێ ل دهما لهكۆلین ل گهل «دلیار كۆبانی» دا ئهنجام دای، ئیشكهنجهیهكا مهزن لێ كرنه و وی ژی ل ژێر ئیشكهنجهیێ دانپێدان كر كو وی ژ بۆی میتێ خهبتی یه.
چاڤكانیێن پێگهها داركا مازی ههروهها ئهشكهره كر، پاش كو خهتهری كهتییه سهر ژیانا دلیار كو ئهشكهنجهیهكا مهزن ل وی هاتییه كرن، نها ئهو ژ بۆ دهرمانكرنێ ژ بۆ نهخوهشخانهیا سهربازی یا ب ناڤێ شههید خهبات ل باژارێ قامشلۆ یێ رۆژئاڤا كوردستانێ هاتییه راكرن.
هێژای گۆتنێ یه، ل گۆری داخویانیێن دهولهتا ترك، ب سهدان كادرۆیێن میتێ د ناڤا رێزێن رێخستنا پهكهكێ دا ههنه و تركیه ب رێیا وان كادرۆیێن خو تام ئاگاهییان ل سهر پهكهكێ ب دهست دئێخیت.
رێخستنا پهكهكێ ژی وهختا كو دخوازیت یێك ژ كادرۆیێن خوه تهسفییه بكهت، وان ب سووچا ئاژانیێ ژ بۆی دهولهتا ترك سووچبار دكهت ژ بۆ كو خوه وهها نیشان بدهت كو ئهو ل دژی دهولهتا ترك تهڤ دگهریت.