شێورمەندەکی سەرۆکێ ئوکراینایێ پێشبینی دکەت کو ژ دەستپێکا مەھا گولانا ئیسال شەرێ مۆسکۆ و کیەڤێ ب داوی ببە.
شێورمەندێ ڤۆلۆدمیر زەلەنسکی، «ئۆلەکسی ئارەستۆڤیچ» د ڤیدەۆیەکێ دا کو ژ ئالیێ مەدیایا ئوکراینایێ ڤە ھاتیە بەلاڤکرن، راگھاند: “دبیت کو شەرێ رووسیا و ئوکراینایێ د دەستپێکا مەھا گولانا 2022یێ دا ب داوی بهێت.”
ئۆلەکسی ئارەستۆڤچ تەکەز دکەت کو “دەما ھەری داوی مەھا گولانێیە، دبیت کو بەریا وێ ژی شەر ب داوی بهێت”.
ئارەستۆڤیچ راگهاند: “د ناڤا دو ھەفتەیێن بهێت دا رەوش دێ یەکالی بیت، یان رێکەفتن ژ بۆ ئاشتیێ هێتە ئەنجامدان و ئارتێش ژ بەرەیێن شەری دێ هێنە ڤەکێشان، یان ژی شەرێ ژناڤبرنا ھەڤ د ناڤبەرا رووسیا و ئوکراینایێ دا دێ دەست پێ کەت.”
رۆژا 24ێ شوباتا 2022یێ سەرۆکێ رووسیایێ «ڤلادمیر پوتین» د پەیامەکێ دا شەرێ دژی ئوکراینایێ راگھاند و ئارتێشا وەلاتێ وی ئێریشی ئوکراینایێ کر. ھەتا نھا چەند باژار و دەڤەرێن ئوکراینایێ ژ ئالیێ ئارتێشا رووسیایێ ڤە تێنە بۆمبەبارانکرن.
