بەردەڤکێ كرملێنێ دیمتری پیسکۆڤ دیار کر، ئارمانجا هەڤدیتنا سەرۆکێ رووسیایێ ڤلایدمیر پوتین و سەرۆکێ ئوکراینایێ ڤۆلۆدمیر زیلینسکی ئەگەر هاته كرن، دێ ژ بۆ چەسپاندنا لهەڤکرنان بیت، نە ژ بۆ گۆتووبێژان.
ل سەر داخویانییا شاندا ئوکراینایێ یا ژ بۆ دانوستاندنان کو گۆتبوو، كیێڤ بەلگەیان ئامادە دکەت ژ بۆ كو هەر دو سەرۆک دانوستاندنێن راستەراست یێن موحته‌مه‌ل پێک بینن، پیسکۆڤ گۆت:
«دانوستاندن ب سەرێ خوە پێڤاژۆیەکا ئامادەکاریێ یە، هەر دو سەرۆک دکارن، بەلکو دڤێت ژ بۆ چەسپاندنا لهەڤکرن و تێگهیشتنێن کو هاتنە کرن كۆمببن و نه ژ بۆ گۆتوبێژان».
ئارتێشا رووسیایێ ئیرۆ بۆ رۆژا 22ێ ئۆپەراسیۆنا خوە یا لەشکەری ل سه‌ر ئوکراینایێ به‌رده‌وام دكه‌ت، وەلاتێن رۆژئاڤا ژی هەول دده‌ن دۆرپێچێن ئابووری و سیاسی دانن سەر رووسیایێ و پشتگرییا ماددی و مه‌عنەوی دده‌نه كیێڤێ.
