سەرۆکێ ئه‌مه‌ریكا جۆ بایدن هەڤتایێ خوە یێ رووسی ڤلادیمیر پوتین وەکی «تاوانبارێ شەر» ب ناڤ کر، ب ڤێ یەکێ ژی دبیت کو ئالۆزییا دیپلۆماتیکا د ناڤبەرا رووسیا و رۆژئاڤا دە کوورتر لێ بهێت.
دانه نیاسینا بایدن بۆ پوتین، د بەرسڤا پرسەکا رۆژنامەڤانەکی كۆچكا سپی دا هات، ئەڤه جارا یەکەمە کو سەرۆکێ ئه‌مه‌ریكایێ زمانەکی وه‌ها ژ بۆ شەرمەزار کرنا سەرۆکێ رووسیایێ بکار دئینیت.
پشتی داخویانیا بایدن، بەردەڤکا کۆچکا سپی جێن پساکی گۆت: «بایدن ژ دلێ خوە ئاخڤییە» لێ کرملێنێ گۆتنێن بایدن شەرمەزار کر و گۆت کو ئەو «ناهێته عەفوکرن».
بەردەڤکێ کرملینێ دیمتری پیسکۆڤ گۆت: «ئاخافتنێن ب ڤی رەنگی ژ ئالیێ سەرۆکێ دەولەتەکێ ڤە کو بۆمبەیێن وی بوونە سەدەما کوشتنا ب سەدان هەزار مرۆڤان ل سەرانسەرێ جیهانێ، ناهێته قەبوول کرن و عەفوکرن».
