بەردەڤکێ وەزارەتا به‌رگریێ یێ ئوکراینایێ ئالێکساندەر مۆتزویانیک راگه‌هاند، هێزێن ئوکراینا، یەکینەیێن رووسیایێ یێن دخوازن بكه‌ڤنه د كیێڤێ دا، ب دووراتییا 70 كیلۆمه‌تران ژ پایتەختی پاشڤه زڤرین.
بەردەڤکێ وەزارەتا به‌رگریێ یێ ئوکراینایێ ئالێکساندەر مۆتزویانیک د داخویانییا خوە دا دەستنیشان کر کو كیێڤ ب باشی ژ هێلا یەکینەیێن بژارتە یێن هێزێن چەکدار یێن ئوکراینایێ دهێته پاراستن.
مۆتزویانیک دیار کر کو هێزێن ئوکراینایی، یەکینەیێن رووسیایێ ب قاسی 70 كیلۆمه‌تران ژ پایتەختی پاشڤه زڤراندنه، هەره‌وها گۆت «داگیرکەر ل هنده‌ك هەرێمان ژی ب قاسی 35 كیلۆمه‌تران پاشڤه زڤرینه».
هێزێن چەکدارێن ئوکراینایێ هەروه‌ها راگه‌هاندن، وان ئیرۆ ل هەرێما سوومی یێ باژارێ ترۆستیانەسێ و ل هەرێما زاپۆرۆژیایێ ژی گوندێ پۆلتۆڤکایێ ژ دەستێ یەکینەیێن رووس دەرخستن.
ژ ئالیەکێ دن ڤه هات دیار کرن كو ل نێزیکی كیێڤا پایته‌خت ل باژارێ ئیرپینێ ژی پەڤچوونێن گەرم ددۆمن.
شارەدارێ ئیرپینێ ئالێکساندەر مارکوشین وه‌ها گۆت: «یەکینەیێن دژمن خواستن ژ سێ ئالییان هێرشی ئیرپینێ بکه‌ن، لێ لەشکەرێن مە هێرش شکاندن».
