ره‌ژیما سووریێ باره‌گه‌هێن ئارتێشا تركیێ ل سینۆرێ پارێزگه‌ها حه‌له‌بێ مووشه‌ك باران كرن و زرارێن گیانی ب ئارتێشا ترك خستن.
ل گۆری رەوانگەها سووریێ یا مافێن مرۆڤان، ئیرۆ رۆژا دوشه‌مبی 28\3\2022ێ هه‌ژماره‌كه مووشەکان ب دو بارەگەهێن لەشکەری یێن ترکیێ ل دەڤەرێن «مەکلابس و شێخ سلێمان» ل گوندەوارێ حەلەبێ یێ رۆژئاڤایێ سووریێ كه‌تنه كو ژ هێلا ئارتێشا سووریێ ڤه هاتبوو ئاراسته كرن.
ده‌ست نیشان كر، د ئەنجاما تۆپبارانا هێزێن رەژیمێ ده ل سەر بارەگەهێن لەشکەری ل رۆژئاڤایێ حەلەبێ، 2 ئەندامێن هێزێن ترکیێ بریندار بوون.
دوهـ ژی، چالاکڤانێن رەوانگەها سووریێ یا مافێن مرۆڤان راگهاندبوون کو هێزێن ترکیێ 3 ئەندامێن هێزێن خوە، د ناڤ وان دە ئەفسەرەک، ڤەگوهەستن نەخوەشخانەیێن ترکیێ، پشتی کو زریپۆشا وان ب مووشه‌كه‌كه رێنیشانده‌ر یا ره‌ژیما سووریێ ل دەردۆرا باژارۆکێ کەفەر نۆران ل گوندەوارێ رۆژئاڤایێ حەلەبێ هاتییه ئارمانج گرتن.
