ئیراق داخوازا قه‌ره‌بوویا بنگه‌هێ خوه‌ یێ ئه‌تۆمی ژ ئیسرائیلێ دكه‌ت

iraq-reactor-israil-1981

ئیرۆ سێشەمبێ شێورمەندێ ئاساییشا نشتیمانی یا ئیراقێ قاسم ئەل-ئەعرەجی سەرپەرشتیا جڤینەکێ ل سەر دۆسیا قەرەبووکرنا ریاکتۆرا ئه‌تۆمی یا ئیراقێ کر، کو د سالا 1981ێ دا ژ ئالیێ ئیسرائیلێ ڤە هاتبوو بۆمبەباران کرن.

د جڤینێ دا شێوه‌رمه‌ندێ وەزارەتا کارێن دەرڤە، شێوه‌رمه‌ندێ وەزارەتا دادێ، ئالیکارێ شێورمەندێ ئەولەهییا نەتەوەیی، شێوه‌رمه‌ندێ ئەولەهیێ یێ دەزگەها ئەولەکارییا نەتەوەیی، به‌رپرسێن دۆسیا ئەنەرژییا ئه‌تۆمێ ل وەزارەتا خواندنا بلند و هەروها دەزگەهێن پێوەندیدار ئاماده‌بوون.

د جڤینێ دا ل گۆر داخویانیا شێورمەندێ ئاساییشا نەتەوی، دۆسیا قەرەبووکرنا ریاکتۆرا ئه‌تۆمی یا ئیراقێ کو ژ ئالیێ ئیسرائیلێ ڤە هاتییە بۆمبەبارانکرن و رێ و مەکانیزما وەرگرتنا قەرەبووکرنا ئیراقێ ل سەر بنگەها بریارا ژمارە 487 یا ئەنجوومەنا ئاساییشا ناڤدەولەتی هات گۆتووبێژکرن.

ل گۆری داخویانیێ، د جڤینێ دا هەماهەنگییا مافێن ئیراقێ ب بریارێن ئەنجوومەنا ئاساییشا ناڤدەولەتی و ئەرکێن هەڤپەیمانییا ناڤدەولەتی تەکەز کرن.

د داخویانیێ دا ژ زارێ شێورمەندێ ئاساییشا نشتیمانییا ئیراقێ هاتییە بەلاڤکرن کو «دڤێت ئیرادەیەک ژ بۆ پێکانینا ئیدیعایا مافێ ئیراقێ هەبیت».

ئەل-ئەعرەجی ئاماژە ب بەردەوامییا کار و دیارکرنا پێویستیان بۆ ڤێ مژارێ کر، ژ بۆ کو پشترە بۆ سەرۆکوەزیر بێن پێشکێشکرن و بریار ل سەر مەکانیزمایێن دانینا مافێن ئیراقێ د ڤێ دۆسیایێ دا بهێته‌ دان و کار ژ بۆ ڤەگەراندنا وان بهێته‌ کرن.

ئۆپەراسیۆنا ئۆپێرا، کو ب ناڤێ ئۆپەراسیۆنا بابلێ ژی تێ ناسکرن، ئێریشەکا ئاسمانی یا ئسرائیلی بوو، د 7ێ خزیرانا 1981ێ دا هاتبوو ئەنجام دان کو ریاکتۆرا ئه‌تۆمی یا ئیراقی یا ل ژێر ئاڤاکرنێ 17 کیلۆمەتران (10.5 میل) ل باشوورێ رۆژهلاتێ به‌غدایێ رووخاندبوو.

پوستێن ھەمان بەش

کێ «ئوگور مومجوو» کو گۆتبوو دێ په‌یوه‌ندیێن «ئۆجالان و میتێ» ئاشکرا که‌م، کوشت؟

ugur mumca-darkamazi-arami