قادیرۆڤ: دڤێ ئوكراینا ژ هۆلێ وه‌ره‌ راكرن

سەرۆکێ کۆمارا چیچانێ ره‌مزان قادیرۆڤ، پێباوەرییا خوە ب پێویستیا کەتنا ئارتێشا رووسیایێ د كیێڤێ و كۆنترۆل كرنا وێ دا ئانی زمان.

قادیرۆڤ ژ ئاژانسا را نۆڤۆستی را گۆت: “ئەز دبێژم دڤێ ئەڤ وەزیفە ب تەمامی بقەدە، دڤێ ئەم بکەڤن کیێڤێ و وی بندەست بکن، ئەز پشتراستم کو هێزێن مە دێ شێن ڤێ بكن”.

قادیرۆڤ هەروه‌ها دەستنیشان کر کو لەشکەرێن چیچانێ ئامادەنە بچن هەر دەڤەرێ ژ بۆ جیبجیکرنا هەر فەرمانەکا لەشکەری کو ژ وان را بهێته‌ دایین و گۆت: “چقاس دژوار بە ژی”.

پێشتر قادیرۆڤ گومانێن خوە دەربارێ پێکانینا دانوستاندنێن ئیرۆ ل باژارێ ستەنبۆلێ یێ ترکیێ ژ ئالیێ شاندێن رووسی و ئوکراینایێ ڤە ئانیبوو زمان.

وی ل سەر “تلێگرامێ” گۆتبوو: “ئەز دفکرم کو ئەڤ دانوستاندن بێ سۆدن… ئەز دفکرم کو دڤێ ئەڤ کار بقەدە، ئانگۆ ژهۆلێ راکرنا ئوكراینانیێ”.