ئوکراینایێ زیانێن ئارتێشا رووسیایێ راگه‌هاندن

سەرفەرماندارییا ئوکراینایێ دەربارێ زیانێن ئارتێشا رووسیایێ یێن د ناڤبەرا 24ێ سباتێ و 30ێ ئادارێ دا ئاگاهی دان.

ل گۆری سەرفەرماندارییا ئوکراینایێ، 17300 لەشکەرێن رووسی هاتن کوشتن، 131 فرۆکە، 131 هەلیکۆپتەر، 605 تانک، 1723 زریپۆش، 305 تۆپهاڤێژ، 96 سیستەمێن مووشه‌كی و 54 سیستەمێن پاراستنا ئاسمانی یێن رووسیایێ هاتن ژناڤبرن.

هەروه‌ها هێزێن رووسیایێ 1184 زریپۆش، 7 گەمی و کەشتی، 75 بارهه‌لگرێن سۆتەمەنیێ و 81 فرۆکەیێن بێ پیلۆت ژی ژ دەست دانە.

د ئێریشێن رووسیایێ دا 145 زارۆک هاتنە کوشتن

د داخویانییا سەردۆزگەرییا کۆمارێ یا ئوکراینایێ دا هات دەست نیشان کرن، د بۆمبەبارانا ئارتێشا رووسیایێ دا 790 سازیێن پەروەردێ زیان ڤێ كه‌تنه‌ و 75 ژ وان ب تەمامی هاتنە رووخاندن.

د داخویانیێ دا هات دیارکرن ژی، ژ 24ێ سباتێ کو رووسیایێ دەست ب هێرشێن خوە کرییە، هەتا نها 145 زارۆک هاتنە کوشتن و 222 زارۆک ژی بریندار بوونە.