رۆژنامەڤانێ کورد حسێن تۆرونلار و برایێ وی یێ کارساز ئال تۆرونلار كو ژ پارێزگەها دێرسمێ یا باکورێ کوردستانێ نه، ل هۆله‌ندایێ د هێرشه‌كا چەکداری دا هاتن کوشتن.
ل باژارێ زوولە یێ هۆله‌ندایێ رۆژنامەڤانێ کورد حسێن تۆرونلار و برایێ وی یێ کارساز ئال تۆرونلار دەما كو وان ل رێستورانتێ خوارن دخوارن رووبروویێ هێرشه‌كا چەکداری هاتن، د ئەنجاما هێرشێ دا هەر دو برایان ل جهێ بوویەرێ ژیانا خوە ژدەست دان.
پۆلیسێن هۆله‌ندایێ راگه‌هاندن، ل باژارێ زووله یێ ل باکورێ وەلات ل یێك ژ رێستورانتێن ماكدۆنالدێ د هێرشه‌كا چەکداری دا دو کەس هاتن کوشتن.
د مەدیایا خوەجهی دا ل گۆری گۆتنێن شاهدێن بوویەرێ هات به‌لاڤ كرن کو هێرشكار چاوا كه‌تنه د رێستورانتێ دا و راستەراست تەقە ل حسێن و ئال تۆرونلار کرن و ئەو کوشتن.
هات زانین، حسێن و ئال تۆرونلار سالێن درێژە ل هۆله‌ندایێ دژین و کارێ رۆژنامەڤانی و بازرگانیێ دکه‌ن.
پۆلیسان ژ بۆ دەستەسەرکرنا بكوژان كارێن خوه ده‌ستپێكرنه.
