کاروانەکی سەربازییێ ترکیێ کو ژ 40 زریپۆش و 8 بارهه‌لگرێن ئالیکاریا لۆژیستیکی پێک دهاتن، دەرباسی پارێزگەها ئدلبێ بوو و ل رۆژهلاتێ وێ پارێزگەهێ هاتن بجهکرن.
ل گۆر رەوانگەها سووری یا مافێن مرۆڤان، ئێڤارا رۆژا 2ێ نیسانێ کاروانەکی سەربازی یێ ترکیێ کو ژ 40 زریپۆش و 8 بارهلگرێن ئالیکاریا لۆژیستیکی پێک دهاتن دەرباسی پارێزگەها ئدلبێ بوو و پشترە ل کامپا مەستوومە و فرۆکەخانەیا تەفتەناز یا ل رۆژهلاتێ وێ پارێزگەهێ هاتن بجیهکرن.
د 16ێ ئادارا بۆری دا ژی، کاروانەکی سەربازییێ ترکیێ کو ژ 50 تانک، زریپۆش، تۆپهاڤێژان پێک هاتبوو ل ناڤچەیا چیایێ زاویە هاتبوون بجیهکرن.
باژارێ ئدلبێ د بن کۆنترۆلا گرووپێن چەکدارێن ئۆپۆزسیۆنا سووریێ دا یە کو ترکیە پشتەڤانیا وان دکەت. هەیەت ته‌حریر شام، ب ناڤێ خوە یێ بەرێ ئەل نوسرە، گرووپا سەرەکی یە ل ئدلبێ کو ئەو گرووپ ژ ئالیێ گەلەک وەلاتان ڤە وەک «رێخستنەکا تەرۆریستی» هاتییە ناساندن.
