ئالیکارێ سەرۆکێ ئۆفیسا سەرۆکاتیا ئوکراینا میكائیل پۆدۆلیاک راگهاند، ل باژارێ بووچایێ کو ئارتێشا ئوکراینا کۆنترۆلا وێ دیسا ئێخست دهستێ خوه، وان هندهك سڤیل دیتن کو دەستێ وان ژ پشتێ ڤه هاتبوونه گرێدان و هاتنە کوشتن.
پۆدۆلیاک ل سەر ئهكاونتا خوە یا تویتەرێ وێنەیێ هندهك جەسەدێن ل ئەردێ درێژکریێ كو دەستێن وان ژ پشتێ ڤه گرێدایی پارڤە کر و وهها گۆت: “جەسەدێن ئینسانێن دەست ژ پشتێ ڤه گرێدایی یێن کو ژ هێلا عەسکەرێن رووس هاتنە کوشتن، ل سەر جادهیان درێژکرینە، هندهك ئینسان نە عەسکەر بوون، بێچەک بوون”.
پۆدۆلیاک ههروهها گۆتبوو: رووسیا ژ بۆ قرکرنا نەتەوەیا ئوکراینا شەری دكهت، لهوما ئهم ههڤسۆزیێ ناخوازن، ئەم ناخوازن کو هوون ل سەر ناڤێ مە شەر ژی بکن، ئەم ب تەنێ تشتەکی دخوازن، چەکان بدن مە کو ئەم سڤیلان بپارێزن. تشتێن دن ێن مایی ئەم دێ ب خوە بکن”.
د مالپەرێن مەدیایا جڤاکی دا وێنە هاتن پارڤەکرن وێ یەکێ نیشان ددن کو ل بووچایێ سڤیل هاتنە قەتلکرن، د کۆمگۆران دا هاتنە چالکرن و هەروها ئاڤێتنە بنێ بیران.