جیگرێ سەرۆکێ پارلەمەنتۆیا ئیراقێ دبێژیت، وان د مژارەکا ھەستیار و مەترسیدار دا پەیام و ھشیاری دانە حکوومەتا ترکیێ.
جیگرێ سەرۆکێ پارلەمەنتۆیا ئیراقێ «حاکم زاملی» ئیرۆ د جڤینەکا رۆژنامەڤانیێ دا راگەھاند کو پێشوازی ل وەزیرێ ئاڤ و چاڤکانیێن ئاڤێ یێ ئیراقێ کریە و ل سەر پرسگرێکا ئاڤێ و کێم ئاڤیێ گۆتووبێژ کرنە.
«حاکم زاملی» ھەر وەھا گۆت، رۆژ ب رۆژ ئاڤا ئیراقێ کێم دبیت و ئەڤە ژی گەلەکا مەترسیدارە. ئەگەر رەوش وەسا بەردەوام بیت چەند سالێن دی ئاڤا مە نامینیت.
جیگرێ سەرۆکێ پارلەمەنتۆیا ئیراقێ دا زانین ژی، وان ب چەندین بەرپرسێن ترکیێ ب تایبەت بالیۆزێ وی وەلاتی ل بەغدایێ ل سەر مژارا ئاڤێ گۆتووبێژ کرنە و د مژارا ئاڤێ دا کو مژارەکا ھەستیار و مەترسیدارە، پەیامێن پێویست دانە حکوومەتا ترکیێ.
ژ بەر گرتنا چەم و رووبار و چاڤکانیێن ئاڤا ئیراقێ ژ ئالیێ ترکیا و ئیرانێ ڤە، ئاڤا ئیراقێ رۆژ ب رۆژ کێمتر دبیت و کریزا ئاڤێ ھەر سال باشتر دهێتە دیتن.
