شانەیا راگھاندنێ یا ئەولەھیا ئیراقێ راگھاند؛ ل سنۆرێ پارێزگەھا نەینەوا، فرۆکەیێن شەری یێن ئیراقێ ھەژمارەک تونەلێن داعشێ بۆمباران کرن.
ل گۆر داخویانیا شانەیێ، بۆمبەباران ل سەر زانیاریێن ھوور یێن ئیستخباراتا سەربازی بوون و ھێزەکا فرقەیا 16 یا لیوایا 75 یا ئارتێشا ئیراقێ ژی ل بەژاھیێ بەر ب ئارمانجان پێش کەتنە.
ھەروھا د داخویانیێ دا ھات دیارکرن؛ چەکدارەکێ داعشێ ھاتە کوشتن و د ناڤ تونەلەکێ دا چەکدارەکێ خوە تەقاندیە و د ئەنجامێ دا ژی دو ئەفسەرێن ئارتێشێ دو سەرباز ب سڤکی بریندار بوونە.
