سەرۆکا «IYI» پارتیێ «مەرال ئاکشەنەر» د بەرنامەیەکێ تەلەڤزیۆنی دا بەحسا هەڤپەیمانیێن ھلبژارتنا کر و گۆت: ئەم ل گەل ھەدەپێ ل سەر مێزەیەکێ نارینین، ژ خوە «ھەدەپە» ژی ڤێ دخوازیت.
»ئاکشەنەر« ل سەر رۆژەڤا سیاسی ھەلوەستا پارتیا خوە دیار کر و دبێژیت کو دەردێ مە نە ئەوە کی ببیتە بەربژێرێ سەرۆککۆماریێ، دەردێ مە ئەوە کو ئەم ڤێ سیستەما کو ئیرۆ ھەیی بگوھەرین.
ھەروەھا ل سەر پرسیارەکێ د دەربارێ ھەڤکاریا «ھەدەپێ» دا ئاکشەنەر گۆت: من بریار دابوو کو ئەز بەرسڤا ڤان پرسان نەدم. تشتەک گەلەک غەریب ھەیە، هەڤپەیمانیا «جومھور» ل گۆرا خوە ھەولددەت پارتیا مە تەربیەت بکەت، ئیدیعا دکەت کو ئەم ل گەل ھەدەپێ تەڤدگەرین. ھندەک مە ب زمانەکێ لەوتی تاوانبار دکەن و دبێژن کو قەی ئەم ل دژێ کورداینە و ب ڤێ یەکێ زمانێ خوە دلەوتینن. ئەز گەلەک ب زەلالی دبێژم ئەم ل گەل «ھەدەپێ» ل سەر مێزەکێ نەروونشتینە. «ھەدەپە» ژی ڤێ دبێژیت. ئەگەر «ھەدەپە» ل سەر وی مێزەی ھەبیت ئەم نا رینین.ئەز ڤەکری دبێژم ئەگەر ھندەک بێژن ئەم قێرا بدەین «ھەدەپێ» دێ پارتیێ ئێخنە رەوشەکا خراب دا و ژ ئالیەک دی ھەقارەتێ ل برایێن مەیێن کورد بکەین ئەڤە نابیت، ئەڤ دلێ من دێشینیت.
