پشتی ل باژارێ بوچا یێ ل باکورێ رۆژئاڤایێ کیێڤا پایتەختا ئوکراینا، تەرمێن ب دەهان سڤیلان هاتن دیتن کو ئوکراینا و وەلاتێن رۆژئاڤا، رووسیایێ ب کوشتنا وان سڤیلان تۆهمەتبار دکن، هه‌ر یێك ژ وه‌لاتێن ئه‌لمانیا، فره‌نسا، دانیمارک و ئیتالیا، 120 دیپلۆماتێن رووس دەرسینۆر کرن.
وەزیرا دەرڤە یا ئالمانیا ئانالینا بایربووگ راگه‌هاند، ئەو دیمەنێن کو پشتی ڤەکێشانا روسیا ژ بوچایێ دەرکەتن هۆلێ، دیار دکن کو رووسیا وێرانکاریێ دخوازیت کو ئەڤ ژی ل دەرڤەیی هەموو سینۆرانە.
ئانالینا بایربووگ گۆت: «پشتی وان دیمەنێن هۆڤانە، مه بریار دا کو 40 دیپلۆماتێن رووسی دەرسینۆر بکن».
د دەربارێ وان دیمەنان دا وەزارەتا دەرڤە یا فره‌نسایێ ژی دیار کر کو وان بریارا دەرسینۆرکرنا 35 دیپلۆماتێن رووسیایێ دایە، وه‌زاره‌تا ده‌رڤه یا دانیمارکێ ژی گۆت، «مە 15 دیپلۆماتێن رووس دەرسینۆر کرن».
