روانگەها سووری: «جوانێن شۆرەشگەر» 20 زارۆک رەڤاندن

Ciwanên Şoreşger-pkk-ypg-zarok-revandin-kidnape

تەڤگەرا جوانێن شۆرەشگەرا سەر ب رێڤەبەرییا خوەسەر و رێخستنا په‌كه‌كێ ڤە، ب ئارمانجا چه‌كدار كرنا وان، 20 زارۆکێن د بن 18 سالیێ دا ژ دەستپێکا سالا 2022ێ رەڤاندنە.

روانگەها سووری یا مافێن مرۆڤان بەلاڤ کر، ژ دەستپێکا سالا 2022ێ ڤە، ل هەرێمێن رێڤەبەرییا خوەسەر 20 زارۆک ژ ئالیێ تەڤگەرا جوانێن شۆرەشگەر ڤە هاتنە رەڤاندن.

روانگەهێ ناڤ و دەما کو ئەو زارۆک هاتنە رەڤاندن بەلگە کرینە و دبێژیت: «چارەنڤیسا بەشەکێ مەزن ژ وان زارۆکان نەدیارە».

مالباتێن زارۆکان بەرپرسیارییا چەکدارکرنا زارۆکان ژ ئالیێ تەڤگەرا جوانێن شۆرەشگەر ڤە، دئێخن ستوویێ هێزێن سووریەیا دەمۆکراتیک هه‌سه‌دێ و داخوازێ ژێ دکه‌ن کو پابەندی سۆزێن خوە یێن كو ب نەتەوه‌یێن یەکبوویی داین و رێ نەده‌ن زارۆک بهێنه‌ چه‌كدار كرن و بلەز وان زارۆکێن چەکدار ڤەگەرینن مالباتێن وان.

تەڤگەرا جوانێن شۆرەشگەر سەر ب رێڤەبەرییا خوەسەر و رێخستنا په‌كه‌كێ ڤه‌یە، ئه‌و ب چه‌ته‌یێن په‌كه‌كێ ل رۆژئاڤا كوردستانێ تێن ناس كرن، کریارێن ڤێ تەڤگەرێ راستی نەرازیبوونا خەلکێ رۆژئاڤایێ کوردستانێ دهێت.

هه‌ر چه‌ند کو هه‌سه‌دێ ل خزیرانا 2019ێ په‌یمانامه‌یه‌ك ب هه‌ماهه‌نگی ل گه‌ل نه‌ته‌وه‌یێن یه‌كبوویی ئیمزا كربوو كو ئێدی زارۆكان چه‌كدار نه‌كه‌ت، لێ ژ دەما کو پەیمان هاتییە ئیمزا کرن، رەوشا رەڤاندنا زارۆکان ب داوی نەبوویە.

پوستێن ھەمان بەش