سەرۆکا کۆمیسیۆنا یەکێتیا ئەورۆپا ئورسولا ڤۆن دەرلاین راگه‌هاند، ئەو دێ وەک سزا سالانە ب 4 ملیار یورۆیان هاوردەکرنا ره‌ژیێ ژ رووسیا قه‌ده‌غە بکه‌ن.
ئورسولا ڤۆن دەر لاین 5مین پاكێجا سزایێن یەکێتیا ئەورۆپایێ ل سەر رووسیایێ ئەشکەرە کر.
هاتە دیارکرن کو دێ یەکێتیا ئەورۆپا سالانە ب 4 ملیار یورۆیان قه‌ده‌غەیا هاوردەکرنا ره‌ژیێ ل سەر رووسیا سەپینیت و ل ئالیێ دی دێ قه‌ده‌غەیا کارابوونێ ل چار بانکێن رووسی ده‌ته ده‌ستپێكرن کو دووه‌م مه‌زنترین بانکا رووسیا یا ب ناڤێ VTB د ناڤ دا یە.
ئورسولا ڤۆن دەر لەیەن گۆت: ئەڤ 4 بانکێن کو مە ب تەمامی ژ بازارێ دوور ئێخستن خودانێن %23ێ پشکێن د کەرتا بانکدارییا رووسیایێ دا نە.
وێ بەرپرسا یەکێتیا ئەورۆپا تەکەز کر، دێ بریارا سزایێن هاتن و چوونا کەشتیێن رووسیا بۆ بەندەرێن یەکێتیا ئەورۆپا ژی د 5مین پاکێجا سزایێن ل سەر رووسیا هێنه بێنە جێبه‌جێكرن.
