وەزیرێن دەرڤە یێن وەلاتێن ئەندامێن ناتۆیێ ئیرۆ ل بروکسەلێ دێ كۆمبن، وەزیرێ دەرڤەیێ ئه‌مەریکا گه‌هشتییە بروکسلێ ژ بۆ کو بەشداوی وێ كۆمبوونێ ببیت و ته‌كه‌ز كر، ئەو دێ ل سەر کۆمکوژییا ل دەردۆرا کیێڤێ راوه‌ستن.
ئه‌ڤ كۆمبوونا وەزیرێن دەرڤە یێن ناتۆیێ د دەمەکێ دا یە کو وەلاتێن وان رووسیایێ ب ئەنجام دانا تاوانا شەری تۆمەتبار دکه‌ن، بوویه‌رێن ل بۆچا و هەبوونا زێدەتری 400 تەرمێن سڤیلان ل وی باژارۆکێ ئوكراینایێ، زێدەتر دەرفەتێ ددەته‌ى ناتۆیێ کو کۆمدەنگیەکا جیهانی ل دژی رووسیا ئاڤا بکەت.
وەزیرێ دەرڤەیێ ئه‌مەریکایێ ئانتۆنۆ دیار کر کو گەلەک مژار هەنە کو بهێنه گۆتووبێژکرن، د ناڤ دا ژی کۆمکوژییا ل دەردۆرا کیێڤێ هاتییه کرن.
دەما بلنکەن د رێیا بروکسەلێ دا بوو، ل ئەنجوومەنا ئاساییشا كۆمبوونه‌ك برێڤە دچوو.
سەرۆکێ ئوکراینایێ کو ب ڤیدیۆ کۆنفەرانسێ بەشدار بوو گۆت، بەلگە د دەستێ وی دا هەنە کو دەستێ رووسیایێ د کوشتنا ئوکراینیان دا هەیە و داخواز کر کو مافێ ڤیتۆیێ ژ رووسیایێ بهێته ستاندن.
سەرۆکێ ئوکراینایێ ڤولدیمێر زیلینسکی دبێژیت: «نها جیهان ب چاڤێن خوە دبینیت کو ئارتێشا رووسیایێ ل بوچایێ چ کرییە، دیسا ژی هێژان مایە کو جیهان ببینیت كو رووسیایێ ل باژار و ده‌ڤه‌رێن دی یێن ئوكراینا چ کرییە».
