سەرۆکوەزیرێ مەجارستانێ (ھونگاریا) «ڤیکتۆر ئۆربان» کو ھەڤالێ سەرۆکێ رووسیایێ یە، ب رێیا تەلەفۆنێ لگەل «ڤلادمیر پوتین» دا ئاخڤتیە و داخواز ژێ کریە کو دەملدەست شەرێ ل دژی ئوکراینایێ راوەستینیت و لگەل سەرکردەیێن «فەرەنسا، ئوکراینا و ئالمانیایێ» بجڤیت.
«ڤیکتۆر ئۆربان» داخواز ژ «ڤلادمیر پوتین» کریە کو بلەز سەردانا «بوداپەشت» بکەت ژ بۆ گۆتووبێژکرنا لگەل سەرکردەیێن ئوکراینا، فرانسا و ئالمانیایێ. پوتین د بەرسڤا خوە دا دیار کریە: “ئەز دێ هێم لێ ب شەرت.”
بەریا نھا سەرۆکوەزیرێ مەجارستانێ راگھاندبوو: “شەرێ ئوکراینایێ شەرێ مە نینە، ئەم نە چەکان و نە ژی سەربازان ناشینن ئوکراینایێ و ئەم رێ نادەین ئالیکاریێن سەربازی د وەلاتێ مە را بگەهنە ئوکراینایێ.”
