روسیا ژ بەر فرۆتنا درۆنا ب ئوکراینایێ گازندا ژ ترکیا دکەت، ئاژانسا «رویتەرس» راگھاند کو رووسیا ژبەر فرۆتنا درۆنێن ب چەک یێن «بایراکتار TB2» ب ئوکراینایێ نە رازیە.
بەرپرسەکێ ترکیا ل گەل مەدیایا بیانی ئاخڤی و بەحسا فرۆتنا درۆنێن TB2 ژ بۆ ئوکرانیا کر. بەرپرسێ ترک د ئاخاڤتنا خوە دا دبێژیت: رووسیا بەرێ ژی نەرازیبوونێن خوە دییار دکرن، گلی دکرن و نھا ژی ڤێ یەکێ دکەت. فرۆتنا درۆنان ژ ئالییێ کۆماپانییەکا تایبەت یا ترک ڤە ھاتیە کرن و نە بازرگانییا راستەراست یا د ناڤبەرا دو دەولەتان دایە. لێ، مە بەرێ ژی بەرسڤ دابوو کو ئەڤ کۆمپانییێن تایبەتن و ھەروەھا ئەڤ فرۆتنێن درۆنان بەری شەر پێک ھاتبوون.
پەیوەندیێن ترکیا ل گەل رووسیا و ئوکرانیا ژی باشن و ترکییێ د وارێ ئەنەرژی، بەرەڤانی و بازرگانییێ دا لگەل رووسیا دا پەیوەندییێن نێزیک ئاڤا کرینە.
کۆمپانییا بەرەڤانییێ یا ترکیا «بایکار»، تەڤی نەرازیبوونێن رووسیا درۆن فرۆت «کیەڤێ» و بەری دەستپێکا شەری، پەیمانەک بۆ بەرهەمئینانا ھەڤپار ئیمزا کرووبوو و ڤێ یەکێ «مۆسکۆ» عاجز کربوو.
