گۆره‌كێ ب كۆم ل باژارێ بۆچایێ یێ گرێدای كیێڤا پایته‌ختا ئوكراینایێ هات ڤه‌كرن، پێتری 40 ته‌رمێن وه‌لاتیێن سڤیل تێدا بوون كو ژ هێلا ئارتێشا رووس ڤه هاتنه قه‌تل كرن.
برێڤه‌برێ پۆلیسێن كیێڤێ ئاندرەی نەبیتۆڤ ئه‌شكه‌ره كر، ته‌رمێ 40 هه‌مولاتیێن سڤیل د گۆره‌كێ ب كۆم دا ل باژارێ بۆچایێ دا بوون، ئیرۆ هاتن ده‌رخستن كو ژ هێلا ئارتێشا رووسیا ڤه هاتبوونه قه‌تل كرن.
هه‌روه‌ها ده‌ست نیشان كر، كه‌سێن كو هاتنه كوشتن و د وی گۆرێ ب كۆم ده هاتنه ڤه‌شارتن، ته‌مه‌نا وان د نێڤبه‌را 40 هه‌یا 60 سالیێ دا یه.
ل هه‌فته‌یێن رابووری دیمه‌نێن باژارێ بۆچا یێ گرێدای كیێڤێ هاتن پارڤه‌كرن پاش كو ئارتێشا رووسیا ژ ور ڤه‌كشیایی و خوه‌یابوو كو كۆمكوژی ل ور هاتنه ئه‌نجام دایین، جه‌سه‌دێن هه‌مولاتیێن سڤیل ل سه‌ر جادده‌یان هاتبوون هشتن، ل گۆری ئامارێن ئوكراینایێ، پێتری 400 كه‌سێن سڤیل ب ده‌ستێ عه‌سكه‌رێ رووس ل بۆچایێ هاتنه قه‌تل كرن.
