سەرۆکێ ئوکراینا ڤۆلۆدمیر زیلنیسكی داخوازێ ژ وەلاتیێن خوە دکەت د ئامادەباشیێ دا بن، ژ بەر کو رووسیا ئامادەکارییا ئۆپەراسیۆنێن مەزن ل رۆژهلاتێ ئوکراینا دکەت.
زیلنیسكی شەڤا بۆری د گۆتارەکێ دە گۆت: «ئەو (رووسیا) دکارن زێدەتر مووشەک و بۆمبەیان ل دژی مە بکار بینن، لێ ئەم بۆ هێرشێن وان ئامادەنە، ئەم دێ بەرسڤ ده‌ین».
رۆژا 24ێ سباتا 2022ێ، رووسیا ژ سێ ئالییان ڤە دەست ب هێرشێن بەژاهی و ئاسمانی ل سەر ئوکراینا کر و 47 رۆژن شەر و پەڤچوون د ناڤبەرا ئارتێشێن رووسیا و ئوکراینا دا بەردەوامن.
رووسیا دبێژیت، ئەو دێ هەول ده‌ن پشتی لاوازکرنا شیانێن شەر یێن هێزێن ئوکراینا، «رۆژهلاتێ ئوکراینا رزگار بکه‌ن».
ژ ئالیەکی دی ڤە، زیلنیسكی به‌هانه‌یا مۆسکۆ یا کو دبێژیت سڤیل ل سەرانسەرێ ئوکراینا ژ ئەنجاما هێرشێن لەشکەری یێن ئوکراینا هاتینە کوشتن، رەد کر و ئەو وەک «نیشانا لاوازییا رووسیا» ناڤ کر.
سەردۆزگەرێ ئوکراینا دیار کر کو ژ دەما ڤه‌كێشانا هێزێن رووسی ژ کیێڤێ و دەردۆرا وێ و هەتا نها، 1222 تەرم هاتینە دیتن.
