سەرۆکێ چیچانێ ره‌مه‌زان قادیرۆڤ راگهاند ئەو دێ باژارێ ماروپۆلێ ل سەر به‌راڤا دەریایا رەش کۆنترۆل كه‌ن کو نها د بن دۆرپێچێ دا یە و پاش دێ بەرێ خوە ده‌نه كیێڤا پایتەختا ئوکراینا و باژارێن دن یێن وی وەلاتی.
قاديرۆڤ ل سەر کانالا خوە یا تلێگرامێ ڤیدیۆیەک بەلاڤ کرییە و تێدا دبێژیت: ئەو دێ هێرشا سەر گەلەک باژارێن ئوکراینایێ كه‌ن و هەردو ناڤچەیێن لوهانسک و دۆنێتسکێ ب تەمامی کۆنترۆل کن و پاش دەست دانن سەر کیێڤێ ژی.
سەرۆکێ چیچانێ قاديرۆڤ د شەرێ ئوکراینا دا پشتەڤانییا رووسیایێ دکەت و هەژمارەکە زێدە یا لەشکەرێن خوە ژی هنارتینه ئوکراینا داکو ئالیکارییا هێزێن رووسی بکه‌ن.
کۆمارا چیچانێ بەشەک ژ رووسیایا فەدەرالە و ره‌مه‌زان قاديرۆڤ ب پشتگرییا مۆسکۆ سەرۆکاتیا وێ وه‌رگرتییه.
