رێخستنا لێبۆرینێ یا ناڤدەولەتی (AMNESTY INTERNETIONAL) ل سەر رەوشا گرتیگەھێن ئیرانێ راگھاند کو ژ بۆ گرتیێن نەخوەش بوونە رێرەوێن مرنێ.
جیگرا رێڤەبەرێ رێخستنا لێبۆرینێ یا ناڤدەولەتی ل ھەرێما رۆژھلاتا ناڤین و باکورێ ئافریقایێ «دانا ئەلتەحاوی» گۆت: “پاشگوھکرنا ھۆڤانەیا ژیانا مرۆڤان یا ژ ئالیێ بەرپرسێن ئیرانی، گرتیگەھێن ئیرانێ ژ بۆ گرتیێن نەخوەش کو نەخوەشیێن وان دکارە بێنە دەرمانکرن لێ ب ئاوایەکی تراژیک کوژەر بوونە، ڤەگوھەراندیە ژوورێن مرنێ.”
«ئەلتەحاوی» دیار کر: “مرنێن گرتیان ژ بەر رەدکرنا ب قەستی ژ خزمەتێن تەندورستیێ یە. ئەڤ ل گۆری یاسایێن ناڤنەتەوی بنپێکرنەکا جدی یا مافێن مرۆڤان و بێپار ھشتنا ب رەنگەکێ کێفی یا ژ ژیانێیە.”
ل گۆری راپۆرا رێخستنێ، لێکۆلینێن سەر سەدەمێن مرنا 92 مێر و 4 ژنان د گرتیگەھێن ئیرانێ دا کو ل 30 گرتیگەھێن ل 18 پارێزگەھێن ئیرانێ پێک ھاتنە، بەردەوامن.
