سەرۆکوەزیرێ ئیراقێ مستەفا کازمی ژ ئالیێن سیاسی داخواز دکەت کو دەملدەست ژ بۆ ئامادەکرنا بودجەیا 2022یێ کار بکەن.
مستەفا کازمی د جڤینا ئاسایی یا ئەنجوومەنا وەزیران دا راگھاند، د ناڤا مەھا رەمەزانا پیرۆز دا کار ژ بۆ ھێسانکرنا ئەرکێ وەلاتیان د دابینکرنا چەندین پاکێتێن خوراکی دا ھات کرن.
کازمی ئاشکەرا کر، ئیراق رووبروویی بلندبوونا نرخێ خوراکی بوویە، کو ژ بەر شەرێ ئوکراینایێ ل سەر ئاستا جیھانێ بھایێ کەلووپەلێن رۆژانە ب رێژەیەکا بەرچاڤ زێدە بوویە.
سەرۆکوەزیرێ ئیراقێ داخواز کر، ژ بۆ دەمسالا ھاڤینا بهێت، ھەموو ئالیێن پێوەندیدارێن حکوومەتێ کار ژ بۆ دابینکرنا کارەبا پێویست بکەن.
ھەروھا ژ ئالیێن سیاسی یێن ئیراقێ داخواز دکەت کو ب ھەڤ را ژ بۆ ئامادەکرنا بودجەیا گشتی یا ئیراقێ بۆ سالا 2022یێ کار بکەن.
