رۆژنامەیەکا ئه‌مه‌ریكی ئاشکەرا دکەت، کۆچکا سپی رازەمەندی ل سەر شاندنا هەلیکۆپتەرێن شەرکەر بۆ ئوکراینا دا یه.
ژێدەرەکی پلەبلند ژ وەزارەتا به‌رگریێ یا ئه‌مه‌ریكا بۆ رۆژنامەیا «واشنگتۆن پۆست» راگه‌هاند، رێڤەبەرییا جۆ بایدن گلۆپا کەسک ژ بۆ شاندنا هەلیکۆپتەرێن شەرکەر بۆ ئوکراینا دا یه.
دیار کر ژی، هاریكاریێن ئه‌مه‌ریكا بۆ ئوکراینا ژ هەلکۆپتەرێن شەرکەر (Mi-17) و تۆپخانەیا هۆتزەر پێكدهێتن.
ل گۆری رۆژنامەیێ، هەلیکۆپتەرێن شەر یێن کو دێ واشنگتۆن ده‌ته ئوكراینا، دێ شێن ب مووشەکێن ئاسمان – ئەرد ژ بۆ هێرشا ل دژی زریپۆشێن رووسیا هه‌لگرن و بكارئینن.
رێڤەبەرییا ئه‌مه‌ریكا ئیرۆ چارشەمبێ ئاشکەرە کر، ئەو دێ هاریکاریێن لەشکەری یێن ب 750 ملیۆن دۆلاران بۆ ئوکراینا هنێرن.
ژ دەما ئێریشا رووسیا ل 24ێ سباتێ ل سەر ئوکراینایێ، ئه‌مه‌ریكا زێدەتری 1.7 ملیار دۆلار وەک هاریكاریێن سه‌ربازی پێشکێشی ئوكراینا كرینه.
